Schweizer Stammtisch??

[Ed_72]

Jo, de Hostettler wär ganz bi mer i de Nöchi aber ech cha morn ned . Ha Klassezämekonft.

[Manowar]

schaad,jo velicht kunnt sunscht no öbber.... wär cool e paar Speedys zäme...

[cutf]

Wänn wärsch dänn du det? Ich muen luege öb ich's iirichte chan, chan der nüt verspräche, han no viil z'erledige morn. Andersits chönnt ich's aber mit em andere Bsuech kombiniere (de schiisst mi eh scho immer zäme will i mi nie blicke lan)

Mauro

[Manowar]

Sali Mauro,ich dängg das ich öbbe uff 11.00 dört bi.... Ha e 02 Speedy Jetblack BL numere...

[cutf]

oh, das isch aber arg früeh... mal luege, bisch mer aber nöd bös wänn i nöd chume, ich lan mi morn am morge überrasche

Übrigens, miini Speed Triple isch blau, Modell 01

Also, viilicht bis morn, ebe, mal luege wänn i uufstane

Mauro

[Manowar]

Jo isch kai problem...... Bi däm wätter morn kasch eh nit lang schlofe......

[Merlin]

Ich chan morn leider au nöd, en Kolleg hät morn sin Polterabig! Und da mümer am Namittag no es paar Sache vorbereite.

@ Mauro:

Blaui Speedy? Bisch die letschte Täg mal in Dietlikon gsi? Han e blaui Speedy mit Flyscreen gseh. Bisch Du das gsi?

[cutf]

Ich han erscht sit einere Wuche s'Flyscreen wiider druf (ich tue's nur für Reise ane mache, gönd nämli i 1 1/2 Wuche id Toscana) und geschter bin i über de Mittag uf de Autobahn a Dietlike verbii gfahre. Han für 2 Stund is gschäft müese, was in Dietike (ohni L) isch... aber susch bin i eigentli nöd z'Dietlike gsii...

Mauro

[Manowar]

Sali zäme,jetzt bi ich grad vom Hostettler hei cho....voll cool gsi, e gueti Stunt Show,Pocket Bike Race und Supermoto Demo... Mir mien das halt uff e anders mol verschiebe, me söt sich amene Ort träffe wo für alli zentral ligt.......

gruss Manowar

[cutf]

Äs gilt, wer im Juli nöd debii isch, chunnt drah...

was wämmer abmache, Samschtig, Sunntig, oder was??? Gänd doch mal es paar Vorschläg, mit Ortsagabe dure...

Mauro

[cutf]

ich chönnt eigentlich grad dämit afange. Ich persönlich, fändi en Samschtig nöd schlächt... wie gsehts bi eu am 12.7. oder 19.7. us?

Zum Treffpunkt: Also, mir händ drüü us em Kanton Zürich, eine us Basel, eine us em Süddütsche Ruum (villicht sogar zwei, dä Psycho müsst mer no fröge, er hät mal vor lange Ziit interässe gha, isch irgendwo im Ruum Bodesee), es paar us Bärn und eine vo Luzern... Kännt öpper en Platz wo für alli öppe glich wiit isch?

Zu miine Kenntnis wer alles us de Schwiiz isch, da ä chliini lischte:

Bärtu

Budd_zz

cutf

ED 72

Manowar

Marc

Merlin

Schneedy

ScrewDriver

Swiss Speedy

Tripler (o.ä.)

und dänn währed da no FN 109 und dä Psycho us em süddütsche Ruum

Känned ihr no anderi, mer chönnd mal alli aschriibe...

Mauro

[Merlin]

Mmmm, bi mir gsehts schlächt us!

Also am 5. Juli han i Nachtdienstfrei, dass heisst erscht am Namittag!

6. Juli isch ok.

12./13. Juli muess i bügle, chönt aber ev. frei neh, muess es eifach frühe gnueg wüsse.

19. muess i au schaffe und am 20. hett i dänn Nachtdienstfrei, also erscht wieder am Namittag.

Am 26. Juli bin i am e Fäscht und chum erscht gege de Sunntigmorge is Nescht. Also dänn gahts au nöd!

Jetzt liehts a Eu!

Ich kenn no 3 mit Triumph, die sind aber nöd im Forum veträtte. Ich chas ja mal fröge!

Bearbeitet 26. Mai 2003 von Merlin

[cutf]

Ok, ich chan am Samschtig de 5. Juli nöd, en Fründ hüratet (selber schuld ) und suscht chan ich mich richte...

Mäldet eu...

Mauro

[Manowar]

hmm ha im Momänt no kai Juli plan..... aber es wird scho irgendwie goh....

Zum Träffpunkt,wie wärs mit Trimbach bi Olte im Isebähnli? oder witers richtig Luzern oder Bern?

[Ed_72]

Ech be im Juli no zemlech frei. Das heisst, ech cha mech rechte. Allerdings passt mer jewils Sonntig besser wie amene Samschtig.

[FN 109]

Hoi zämme!!

Also, mir ist es egal wann, ich pass mich Euch an, aber wo ist den Euer Treff?

Ich wohne in der Nähe von Kreuzlingen/Konstanz.

Ciao Frank

[cutf]

@ FN 109

...entschuldige uns, dass wir in Schweizerdeutsch schreiben... wir versuchen gerade im Juli einen Termin zu finden und den Ort zu bestimmen. Wir werden es so einrichten, dass es für alle in etwa gleich weit ist.

Psycho ist doch auch aus deiner Gegend, hast du kontakt zu ihm. Letztes Jahr hatte er mal erwähnt, das er bei einem Treffen evt. auch dabei wäre...

Mauro

[FN 109]

@ FN 109

...entschuldige uns, dass wir in Schweizerdeutsch schreiben... wir versuchen gerade im Juli einen Termin zu finden und den Ort zu bestimmen. Wir werden es so einrichten, dass es für alle in etwa gleich weit ist.

Psycho ist doch auch aus deiner Gegend, hast du kontakt zu ihm. Letztes Jahr hatte er mal erwähnt, das er bei einem Treffen evt. auch dabei wäre...

Mauro

no Prob!!

Ich arbeite seit 13 Jahren bei Euch und denke das ich Euch auch recht gut verstehe

Den Psycho müsstet Ihr schon selber mal anschreiben, hab keinen Kontakt zu ihm.

Falls er interesse hat,können wir uns schon zusammen werfen und zu den Eidgenossen gemeinsam fahren, das wäre sicher nicht das Problem

Gruß Frank

[cutf]

@ Manowar

Hör mal, häsch du hüt in Basel i de nöchi vom Steinetor so gäge d'vieri diini Speedy parkiert gha? Häsch du irgend öpis mit 18000 als Kennzeiche?

Wänn ja: Geili Mikroblinker und sötsch mal de Hinterpneu wächsle

Wänn nei: Geili Mikroblinker gseh, nur dä typ söt mal de Hinterpneu wächsle

Gruess, Mauro

[Manowar]

Bingo... Das bi ich gsi........... jo ich weiss dr schlappe hinde isch langsam dure..... D Micro Blinker sin cool aber sin nur hinde erlaubt.... ich sött no e widerstand derzwische hängge will si e chli schnäll blingge... Schaffsch du in Basel?

[cutf]

Bingo...       Das bi ich gsi...........     jo ich weiss dr schlappe hinde isch langsam dure..... D Micro Blinker sin cool aber sin nur hinde erlaubt.... ich sött  no e widerstand derzwische hängge will si e chli schnäll blingge...     Schaffsch du in Basel?

...han ich's mir doch dänkt!!! Ich bin im ussedienscht für d'Region Nordwescht-CH. Geschter hani no id City Disc müesse, äs problem go aluege, da han i diin töff gseh, han en no gnauer studiert, bin dänn zum chund und bin nach 20 Minute wieder use und diin töff isch nüme det gsih, mir händ ois um es paar Minute verpasst...

Na ja, wird sicherlich no chlappe, mir sind ja alli drah, Hallloooooo, Haaaaalllllooooooo wer ghört mi alles?????

Mauro

[Merlin]

Jetzt müesst mer endlich mal es Datum finde!

Also ich wäre für de Sunntig 6. Juli! (Dänn muess i nöd frei neh! )

Wie gseht's bi eu us und wo trifft mer sich?

Vorschläge, bitte!

[Ed_72]

Ok! Sonntag 6. Juli

[cutf]

mach i au mit. Juli dä sächst...

Mauro

[Merlin]

Ok, 6. Juli 2003 Edit: Natürlich nur wenns Wetter schön isch!

Wo und wänn? Was wend Ihr mache (Dumm umeschnurre oder es Usfährtli mache, oder beides )?

Bearbeitet 29. Mai 2003 von Merlin