Schweizer Stammtisch??

[Darkstar]

@Alle

Danke für die herzliche Begrüssung!

@speedtriple.ch

Hey Robin! Schön mal wieder etwas von Dir zu hören. Hast Du noch nicht schon ein leichtes Reissen im rechten Handgelenk? Wenn ja, dann ist es Zeit wieder den Kontigent zu wechseln

@speedfreak.ch

Du hast recht! Wahrscheinlich ist es in diesem Forum witziger, als im Audi-Speed. Aber es ist schon lässig "Jäpser"-Fahrer anzuzünden

@Alessandro595

Bin ein bekennender Daytona 955i Fahrer! Es soll sogar Leute geben, die aus ihrer Daytona eine Speedy machen

[Mädi955]

@Darkstar

A herzlichs Welcome o vo minera Sita us .

Aber as muasch wössa ...

dr schönschte Töff isch a grüani SpeedTriple .

@Manowar

Weiss ...

i hoff wenigschtens met amna geila Airbrush druf oder ?

[speedfreak.ch]

@darkstar: Chuum im Forum und scho am zünde, hä?!

Noeinisch für alli zum mitschriebe: Die schönscht Triumph isch en 2000er Daytona, wo nackig gmacht worde isch und jetzt als Speedy däher chunnt - natürlich in schwarz!

Gruess, Mischa

[Ducischreck]

tschou zäme

@darkstar

ou vo mer es härzlechs wöukomme!!!!!

@all

jo i weiss.. selten gesehener gast. i geb mer jo müeh. i freu mi nämu scho wahnsennig euch weder mou z'treffe. so rechtig weder mou am kabu go risse...

be grad am sonnti schnäu öbere passwang. be eus onde d'strosse forztroche gsi... öbere passwang schmöuzwasser..ja mei mis baby het dri gseh. aber esch glich goil gsi

wäge de töff-ferie in sardinie.... i hett dänkt so endi mai afang juni.

@corinne

säääälüüüüüü mou do ofem netz. ha gar ned gwösst, dass du vo der oschtschwiz besch

@mauro

muen i do no öppis säge? HAU!! HAU!! HAU!!

auso der...

big rööhring greetz

fabrice

[Darkstar]

@speedfreak.ch:

Natürlich! Aber ich han wenigstens nöd en halbi Tonne Lötzinn in minem Kabelbaum

[speedfreak.ch]

@Darkstar: Defür isch Din Kabelbaum öppe drü Kilometer länger als mine. Dezue chunnt no s'Gwicht vo de Verschalige und vor allem vom unnötige Plastik a Dim Heck, die viel z'grosse Blinker...

Ich chönnt no ewig wieteri Mängel ufzelle, aber das lahn ich jetzt brav sii...

[cutf]

@mauro

muen i do no öppis säge? HAU!! HAU!! HAU!!

Hmmm? Ich schlaane doch nöd

Ähm, Sardinie? Mit dä Kollegä simmer a Reis am plane, so au öppe i däre Ziit, aber no kei Ahnig wos hifüehrt....

@Pat: "Allesando" hihihi, das isch ä nöi Variante, diä häsch bisher nonig anebracht gha

@ Darkstar: Welcome to the club!!! Aber ebe, knapp denäbet isch halt au denäbed!!! Es git nur ein Töff uf däre Wält, de Reschte sind nur Möchtegärns (genau wiä diä "Umboute") *duckundweg*

Jetzt wirf ichs halt wieder emal id Rundi, wiä gsehts Friitig 26.3.04 am Abig bi all däne in Züri und Umgäbig für Usgang us? Mal öppis go ässe oder trinke oder beides? (ich bruch halt ab und zue öppis warms uf em Täller, hihihi)

Wünsch en schöne Tag

Mauro

[speedfreak.ch]

Es git nur ein Töff uf däre Wält, de Reschte sind nur Möchtegärns (genau wiä diä "Umboute") *duckundweg*

"schmoll-modus on"

Jaja, isch scho guet, has verschtande. Gemein, frech und gar nid lieb!

"schmoll-modus off"

Am 26. chönnt mer sich vo mir us scho wieder mal träffe und eis go trinke oder go ässe. Ich wär debi (wenn Du denn wieder echli lieb bisch zu mir)...

Gruess, Mischa

[cutf]

Es git nur ein Töff uf däre Wält, de Reschte sind nur Möchtegärns (genau wiä diä "Umboute") *duckundweg*

"schmoll-modus on"

Jaja, isch scho guet, has verschtande. Gemein, frech und gar nid lieb!

"schmoll-modus off"

Am 26. chönnt mer sich vo mir us scho wieder mal träffe und eis go trinke oder go ässe. Ich wär debi (wenn Du denn wieder echli lieb bisch zu mir)...

Gruess, Mischa

Ooohhhhhh, Wattebauschli!!! Das han i aber nöd wölle.... klar dörfsch du zu eus ghöre...... aber ebe, knapp denäbed isch halt ebe au denäbed!!!

Guet, hämmer scho eine für am 26. ...und versproche, ich wird ganz lieb zue der sii, häsch ja au nüd gäg min neue Helm gseit

Mauro

[Darkstar]

@speedfreak.ch

So, fertig luschtig! Han mer au müesse 2 Paar Kellermanns zuelegge! Zum Phips mues i dänn au no und dänn zu Dir zum luege was alles hinne weg muess...

Dänn sött endlich mal Rue si.

[speedfreak.ch]

@speedfreak.ch

So, fertig luschtig! Han mer au müesse 2 Paar Kellermanns zuelegge! Zum Phips mues i dänn au no und dänn zu Dir zum luege was alles hinne weg muess...

Dänn sött endlich mal Rue si.

Hehe, umeschtänkere hilft mängisch... Immerhin hesch scho mal chlinneri Blinker bschtellt. Am Heck chasch eigentlich alles absage wo nid nach Töff usgseht... Und denn muesch eigentlich nume no d'Verschalig abneh, neui Lampene chaufe und de Kabelbaum "optimiere"...

Ich gib d'Hoffnig nid uf - irgendeinisch gseht Din Töff au guet us...

*undduckundweg*

[Ducischreck]

tschou zäme

i ha jetz definitiv ferie igä. töff-ferien in sardinie vom 29.05.04 bis 05.06.04.

wer interässe het cha sech be mer mäude. datum esch vo höt a fix und stattfende tuets ou definitiv.

gruessi

fabrice

[Alessandro595]

@alessandro: sein profil ist doch ausgefüllt 

Uupss. Hatte ziemlich Stress beim Job und konnte es noch nicht überprüfen.

@Alessandro595

Bin ein bekennender Daytona 955i Fahrer! Es soll sogar Leute geben, die aus ihrer Daytona eine Speedy machen 

Geil, schon 3 Daytonas . Auch wir wachsen

So, fertig luschtig! Han mer au müesse 2 Paar Kellermanns zuelegge! Zum Phips mues i dänn au no und dänn zu Dir zum luege was alles hinne weg muess...

Dänn sött endlich mal Rue si.

Es muss alles hinten weg, einfach weg ja ja

Und denn muesch eigentlich nume no d'Verschalig abneh, neui Lampene chaufe und de Kabelbaum "optimiere"...

Nie im Leben... Daytona muss Daytona bleiben Wir sind ja so schon wenig, aber cool

[Darkstar]

@speedfreak.ch

Du bisch scho en dumme Schnorri! Pass numme uf und ich verpass dim nackte Schatz emol richtigs Helix-Öl Du wirsch Dich wundere was das für en Unterschied isch!

[slang]

@mauro

26. tönt ned schlächt, bin debi......

@fabrice

mal kucken wär scho no debi

gruss

serge

[speedfreak.ch]

@Darkstar: "Shell Advance" wenn scho... Ich bliebe aber lieber bim guete alte Castrol - britischs Öl für britischi Ladies!

[kane]

hoi zämä

bin am 26. auch dabei, wenn ich in zürich bin - noch nicht ganz sicher. dann ist die schwierige frage: mit töff hin oder mit promille heim? hmmm..

bis dann, gruss

noé

[ospot]

on the road again yesssss!!!

26. klingt gut ähmm ... mit promille, ohni bike, wördi säge, oder!?

ond sardinie wär eigentli au no öppis, mal schaun.

greetz

[speedtriple.ch]

@speedfreak.ch:

Natürlich! Aber ich han wenigstens nöd en halbi Tonne Lötzinn in minem Kabelbaum 

figgt er mini lötküscht a, de herr neuling?! na warte...

@speedtriple.ch

Hey Robin! Schön mal wieder etwas von Dir zu hören. Hast Du noch nicht schon ein leichtes Reissen im rechten Handgelenk? Wenn ja, dann ist es Zeit wieder den Kontigent zu wechseln 

ich mach ja, flüg am mäntig uf guatemala endi april isch denn wider kabel spanne agseit.

ahja, ha dis neue email gar ned, schick mer das doch no, ok?

triplegruess us nyc

robin

Bearbeitet 9. März 2004 von speedtriple.ch

[speedtriple.ch]

@speedfreak.ch

So, fertig luschtig! Han mer au müesse 2 Paar Kellermanns zuelegge! Zum Phips mues i dänn au no und dänn zu Dir zum luege was alles hinne weg muess...

Dänn sött endlich mal Rue si.

jügsche, bim mischa hets no so e unnützi nummereschildbelüchtig drah, luegsch gschider bi mier...

und wieso zum nur zwei kellermänner? da ghöred 4 drah!

(edit) wer läse cha, isch klar im vorteil 2 paar hesch gseit, sind denn wohl 2 mal zwei, git demfall öppe 4... (/edit)

@mischa: das isch d retourkutsche für "wünsch eu gsperrti kreditcharte"

triplegrüess

robin

Bearbeitet 9. März 2004 von speedtriple.ch

[speedfreak.ch]

jügsche, bim mischa hets no so e unnützi nummereschildbelüchtig drah, luegsch gschider bi mier... 

Hmm... Du glaubsch gar nid, wie schnell eso es Heck umbaut isch! Söttisch also niemer azünde, wo Zuegang zu Dinere Wohnig, zu Dim Auto und zu Dim Töff het - das chann zu böse Überraschige füehre...

[speedtriple.ch]

oh sh**... ich gseh scho en violette S3 und en pinki Speedy vor mim geischtige aug...

*duckundweg*

[cutf]

Hoppla! Ich gsehne ihr teiled grad wieder Streicheleinheite us???

Robin? Irgendwiä muen i am Mischa rächt ghä, dä hät dä Schlüssel zu dine Garage!!! Was ich i somene Fall antworte würd, glich uf welli Frag, und zwar in gebückterdemütigerundallesglaubender Haltig: "Si, padrone, si, niente problema padrone, subito, padrone, grazie"

[speedtriple.ch]

Robin? Irgendwiä muen i am Mischa rächt ghä, dä hät dä Schlüssel zu dine Garage!!! Was ich i somene Fall antworte würd, glich uf welli Frag, und zwar in gebückterdemütigerundallesglaubender Haltig: "Si, padrone, si, niente problema padrone, subito, padrone, grazie" 

@mauro: wo recht hesch hesch recht.

@speedfreak.ch: Si, padrone, si, niente problema padrone, subito, padrone, grazie

in gebückterdemütigerundallesglaubender Haltig, robin

Bearbeitet 9. März 2004 von speedtriple.ch

[speedfreak.ch]

Was ich i somene Fall antworte würd, glich uf welli Frag, und zwar in gebückterdemütigerundallesglaubender Haltig: "Si, padrone, si, niente problema padrone, subito, padrone, grazie" 

@speedfreak.ch: Si, padrone, si, niente problema padrone, subito, padrone, grazie

in gebückterdemütigerundallesglaubender Haltig, robin

Genau eso!

Bearbeitet 9. März 2004 von speedfreak.ch